Case study on Migration at Srey Snom district, Seam Reap province
កម្ពុជា
គឺជាប្រទេសដែលកំពុងអភិវឌ្ឍន៍នូវគ្រប់វិស័យ មានប្រជាជនប្រមាណ ៣១ភាគរយ
ដែលរស់នៅក្រោមខ្សែរបន្ទាត់នៃភាពក្រីក្រ
ហើយគ្រប់ហេដ្ឋារចនាសម្ព័ន្នរូបវ័ន្តនៅមានភាពទន់ខ្សោយនូវឡើយ។
ភាពក្រីក្រកំណើនប្រជាជន ព្រមទាំងលក្ខខ័ណ្ឌ សង្គម
និងបរិស្ថានមិនមានភាពអំណោយផលដែលជាហេតុបង្ករអោយមានការធ្វើចំណាកស្រុកកើតមានឡើង។
ការសិក្សាលើប្រធានបទនេះមានគោលបំណងស្វែងយល់ពីស្ថានភាពគ្រួសារធ្វើចំណាកស្រុក
ក៏ដូចជាចង់សិក្សាពីឥទ្ធិពលនៃការធ្វើចំណាកស្រុករបស់ប្រជាជនក្នុងស្រុក និងការវិភាគ SWOT ទៅលើជីវភាពរបស់ប្រជាជនធ្វើចំណាកស្រុក។
ការសិក្សាស្រាវជ្រាវបានជ្រើសរើសយក ៤ភូមិនៅក្នុងឃុំចំនួន២
ដែលស្ថិតក្នុងស្រុកស្រីស្នំខេត្តសៀមរាប ដែលមានសំណាកសរុបចំនួន៨៧គ្រួសារ។
រាល់ទិន្នន័យ និងពត៌មានដែលទទួលបានត្រូវបានរៀបចំវិភាគតាមកម្មវិធី SPSS និងរៀបចំកែសម្រួលចងក្រងតាមកម្មវិធី Microsoft
Excel។
តាមលទ្ធផលនៃការវិភាគបានបង្ហាញថាសៀមរាប
គឺជាខេត្តមួយដែលមានប្រជាជនធ្វើចំណាកស្រុកយ៉ាងច្រើន
ហើយការធ្វើចំណាកស្រុករបស់ប្រជាជនក៏ជាកត្តាជួយកាត់បន្ថយភាពក្រីក្រ
ដែលចំណាកស្រុកបណ្ដាលមកពីកត្តាពីរយ៉ាង គឺកត្តារុញច្រាន និងកត្តាអូសទាញ។
ភាគច្រើននៃជនចំណាកស្រុក គឺជាប្រភេទដែលមានកម្លាំងពេញលេញ
ដែលជាហេតុផលមួយធ្វើអោយគ្រួសារនោះខ្វះកម្លាំងពលកម្ម។
ទិសដៅសំខាន់នៃការធ្វើចំណាកស្រុក គឺតាមបណ្ដាទីក្រុង ទីប្រជុំជន តំបន់សេដ្ឋកិច្ចពិសេសតាមព្រំដែន
និងបណ្ដាប្រទេសជិតខាងមួយចំនួន
ដែលក្នុងនោះមានប្រជាមួយចំនួនធំបានធ្វើការចំណាកស្រុកមកកាន់ទីក្រុងភ្នំពេញ និងតាមព្រំដែនខ្មែរ-ថៃ និងប្រទេសថៃ។
ស្រ្តីចំណាកស្រុកភាគច្រើនធ្វើការក្នុងវិស័យឧស្សាហកម្មកាត់ដេរ ខណៈពេលដែលបុរសភាគច្រើនធ្វើការក្នុងវិស័យ
សំណង់ ហើយរយៈពេលនៃការធ្វើចំណាកស្រុកពី ១៥ថ្ងៃ-៥ខែ មានចំនួន៤៤.៥ភាគរយ ស្របពេលអ្នកដែលធ្វើចំណាកស្រុកចាប់ពី ៥ខែ ទៅ១ឆ្នាំ
មានចំនួន ៥៥.៥ភាគរយ។ ប្រាក់ខែរបស់អ្នកចំណាកស្រុក គឺអាស្រ័យទៅលើប្រភេទការងារ ជំនាញ
និងបទពិសោធន៍ដែលកម្មករចំណាករស្រុកមាន។ ចំពោះការប្រើប្រាស់ប្រាក់ដែលបានមកពីការធ្វើចំណាកស្រុក
គឺក្នុងគោលបំណងជួយផ្គត់ផ្គង់ជីវភាពគ្រួសាររបស់គេ គឺត្រូវបានចំណាយទៅលើ ចំណីអាហារ
សំភារៈប្រើប្រាស់ និងចំណាយទៅក្នុងផលិតកម្ម។ បញ្ហាមួយចំនួនបានកើតមានឡើង
ក្នុងពេលធ្វើចំណាកស្រុកដូចជា ការជួញដូរ ការរើសអើង ការកេងប្រវ័ញ្ចកម្លាំងពលកម្ម
ការរំលោភបំពានផ្សេងៗ និងការបង្ខំអោយប្រើប្រាស់គ្រឿងញៀនជាដើម។
ចំណាកស្រុកមិនមែនជាបញ្ហាដែលត្រូវដោះស្រាយនោះទេ
ប៉ុន្តែវាគឺជាបញ្ហាមួយដែលត្រូវគ្រប់គ្រងអោយបាន។
សរុបមកដោយសារនៅតំបន់ជនបទពុំមានហេដ្ឋារចនាសម្ព័ន្ធរូបវ័ន្តគ្រប់គ្រាន់
ក៏ដូចជាជួបនូវគ្រោះមហន្តរាយ ធម្មជាតិ និងការបំផ្លិចបំផ្លាញធនធានធម្មជាតិព្រមទាំង
ភាពកង្វះការងារក្នុងតំបន់ ដែលបង្ករអោយមានការធ្វើចំណាកស្រុកកើតឡើង។
Case study on Migration at Srey Snom district, Seam Reap province
Reviewed by Unknown
on
7:36 PM
Rating:
No comments: